Ripfumelo ra Vaapostola

Ndzi pfumela eka Xikwembu,
Tatana wa matimba hinkwawo.
Mutumbuluxi wa tilo ni misava.
Ndzi pfumela eka Yesu Kriste,
N’wana wa Xona a ri un’we.
Hosi ya hina.
U tswariwile hi matimba ya Moya lowo kwetsima,
A velekiwa hi wanhwana Mariya.
A xaniseka ehansi ka Pontiyo Pilato,
A vambiwa exihambanweni, a fa, a lahliwa esirheni.
A xikela endhawini ya lava feke.
Hisiku ra vunharhu, a pfuka eku feni.
A tlhandlukela etilweni.
Kutani u tshame vokweni ra xinene ra Xikwembu,
Tatana wa matimba hinkwawo.
U ta tlhela a vuya, ku ta avanyisa lava hanyaka ni lava feke.
Ndzi pfumela eka Moya lowo kwetsima,
Ni kereke leyo hlawuleka ya vanhu hinkwavo.
Ni vuxaka bya vahlawuriwa,
Ni ku rivaleriwa ka swidyoho,
Ni ku pfuka ka vafi,
Ni vutomi lebyi nga heriki.