Mbhalele Mbhale!

Hileka byandlani, vo nghena va ti tekela.
Hi marito va hi rhiya, va kombela tindleve.
Hi ku tshembha hiva nyika.
Hi ku famba ka nkarhi timbilu ta hina vo ti tekela.
Va hi tshembisa matilo ni misava.
Matilo ahiya lavi, misava yina n’wini
Eka Gaza mumu wa kona wu humesa na tihlampfi ematini.
Mpfhuka hiyo tshama hiva rindzile.
Loko hiku nkelu, ritshuri mpoti.
Va longoloki hi swipanda managa swa vona swantima.
Ha la ndzeni kova xixikana, hina hala handle dyambu ra hi oxa.

Va fika va sungula ku bhokoloka, hi ririmi ra va dya hlapfi.
Marito ya xitsonga ava ha wa tivi.
Va tshembisa hinkwaswo ehansi ka dyambu.
Kambe hi pfumala mati yo timula torha.
Tlhandla ka mbirhi, vona va pfula swibhodlhelana swa mati.
Makhati mangari mangani, xin’wana pfhomu!
Xihuma eka ngula yo tala mati lawo omisiwa.
“Ndza mi tshembisa loko mi langha mina/hina, hita tisa mati kusuka le Ritavi”
Tavi, Njhe ka hari na vutomi kwalhaya?

Vusiku ni nhlekani va tlanga mathumbhani ya miehleketo.
Va hi xisa nohi navetisa.
Loko kungari switshembiso swa mavunhwa,
Ku xenga no hi xavisela milorho yo dzhudzheka tani hi mberha.
Va hi byela hilaha vangataka vanga hanyi handle ka hina.
Wa ha tsundzuka masiku lawa awu chova ngholovhani uya ka mati?
Masiku lawa vana ava dyondzela ehansi ka minsinya?
Masiku lawa va khegula vanga tshika ku vhakelana hi kokwalaho ka ku onheka ka magondzo?
Siku va nga tshembisa ku rhumela xikhurha patu?
Ina, hinkwaswo akuri ma vunhwa.
Vona, va nga hanyi handle ka hina?
Vo tala va rhurhele kwahalhaya malokhixini.
le ka vona vo hlambela amabhavhini.
Lava va kavona vana va kuma matswalwa ya gandlisiwile.
Lava vaka vona vatswari, vo njirimisiwa.
Vusiku ni nhlekani vaya emahlweni va luka manu.
Loko hina hiri karhi hi hlaya tinyeleti.

Tani hi vu ngwandla, vutshila ahi bya nkoka.
Ntsena loko ufe ripfalo, ukota no vulavula handle ko kanakana.
Tani hi ti nghwavava, va n’wa ti polotiki va hlonipheka loko va tshama entirhweni nkarhi wo leha.
Va languteli, endzhaku ka mune wa malembe.
Vata vuya vata bokoloka.
Na swi bhodlelani swa vona swa mati yo titimela.
Loko uri wa nkateko.
Uta gava xin’we xibhodlhelani.
Leswi hoxiwaka wonge ku hoxeriwa ti huku vudyangwani.
Ku navela ka mina.
Hi leswaku ndzi ngavi kona eka vhilwa rero ra maendlelo.
Ndzi navela wonge hingava eka ntlawa lowu vulavulaka hi swendlo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s