Bvinya Miehleketo

Malembe lawa hundzeke aya tika.
Nhamu ya mina ayi tikeriwa, nhloko axikule ku tlula mirhi.
Andza ha kula, ndzi dyondza leswinene eka swo biha.
Lavo tiva ngopfu vari mavulavulelo ya mina ya bvinya miehleketo.
Mina ndzi ri ya bvinya ku kurisiwa ka tindzimi ta vambe.
Ya rhamba vukwembu bya vaTsonga, ya vukarha kuti nyungubyisa hi xintu.
Va endla wonge ava voni ku tsana ka ntumbuluko, ku chavalala ka ririmi ra manana.
Va tsipa mahlo, leswaku va nga voni vumbabva lebyi va hanyaka eka byona.
Vekani mina nandzu, loko swimi endla mi titwa ku antswa.
Rhukanani miehleketo ya mina, kumbe ya lavo fana na mina.
Loko vana va n’wina va tsandzeka kuti ndhundhuzela hiva kokwa wa vona.
Ku ngavi hixi boho, kuhlaya tsalwa leri.
Ndza switwisisa leswaku xiTsonga xientile, marito ya kona akahari ya masiku hinkwawo.

Ndzi teke xiboho, minkarhi ya dyandza yile ndzhaku.
Landzula, iku rhandza ka wena ku hanya tani hi bofu.
Kambe ndzi naku navela, byita vila siku rin’wana.
Byala bya xintu na makanyi swita khapa, hi ta tlangela vuhina.
Ku ti nyungubyisa ku ta ku mpoti!
XiTsonga xi ta tala rivala, ku ta ku nkhule hi mpfumawulo wa marito yerhu.
Lava vanga vandzekana na hina, va ta tshirimuka ku ta vona leswi humelelaka aka Gwambe na Dzhavana.
Ndzi navela leswaku siku ra kona, vaTsonga va tava vatale kutlula vahlaleri.

Eka timbhurhi ta vaTsonga, hambi loko mitshuka mi katekisiwa hi vukati eka tinxaka timbe.
Koxometani leswaku vatukulu va hina va vulavula Xitsonga.
Kambe minga tshuki mi khira kumbe ku tsan’wa ma endlelo ya vakon’wana.
Mi ngatshuki mi endla hi lunya, kumbe leswi swingahi xumbadzhaka.
Hina maTsonga hi vanhu va malwandla, ahi vanhu va nhova.
Rirhandzu ni nhlonipho iswa hina hi tumbuluko.
Hambi loko va n’wana va hi tsan’wa, vati endla vinyi va tiko.
Avange tshuki va hi twisisile.
Vangaka va ngahi heti, hi matutu vana va Ntavasi.
Vo okela vuhosi hi xisana xa ndzilo, va tlhari ro pfumala mpfukano.

Vana hi byarile, swivongo hi navisile.
Tinxaka hi andzisile.
Hi nkwaswo leswi, hi endlela tiko.
Ku kula ka rixaka, ahiku xonga ka swona.
Nyimpi iyin’we sweswi, ku vuyisa lava va nga lahleka.
Ahi va dyondziseni vurhena na vutlhari bya maTsonga.

9 comments on “Bvinya Miehleketo

  1. Phahlani wa zari says:

    Swi saseke ngopfu leswi na kona ha tinyungubyisa hi vutsonga byeru. Xivutiso xa mina hi lexi:xana loko u ku rindzimu ra manana ra chavalala u vula yini? Ku chavalala i ncini. Ndzi nga nkhensa ku kuma nhlamulo. Inkomu. Phahlani wa zari.

  2. magigele patson ubisi says:

    Hankhensa tatana marito yavutswatsi. Xibamu xibele tindleveni.

  3. phahlani wa zari says:

    ndza losa,ndzi lava ku tiva ku loko ni lava ku tiva hi ta matimu ya tsonga ni nga tirhisa tluka rihi. Ndzi khensa ni vuyelela

    • nykmiyen says:

      Xewani.

      Kuna buku leyi yi ngatsala hi Mandla Mathebula – 800 Years Of Tsonga History. yi khome matimu yo tala swinene lawa ya nga pfunaka na wona.

      Inkomu

  4. Phahlani wa zari says:

    Ndza khensa swinene.munhu a nga yi kuma kwini? Ku endlela ku loko macheleni ya hlanile hi ta kota ku tsutsumela kona xikan’we mi ngo namba mihi byela na hi tsengo ka. Ndzi khensa ni vuyelela

  5. nykmiyen says:

    Please be in contact with info@sasavona.co.za.
    Tsalwa leri aringevi more than R200.00

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s